ဘုရားအမည်	ရွှေကူမြတ်စွာဘုရား
တိုင်းဒေသကြီး/ပြည်နယ်	မကွေးတိုင်းဒေသကြီး
Website Address	ဘုရားသမိုင်းများကြည့်ရန်
တည်နေရာ	မကွေးတိုင်းဒေသကြီး၊ ပခုက္ကူမြို့၌ တည်ရှိပါသည်။
သမိုင်းကြောင်းရာ
ရွှေကူမြတ်စွာဘုရားကြီး၏ မူလဒါယကာမှာ ပုဂံမြို့၌ သက္ကရာဇ် ၄၅၄ ခုနှစ်တွင် နန်းတက်သော အလောင်းစည်သူမင်းတရားကြီးဖြစ်သည်။ အလောင်းစည်သူမင်းကြီး သည် သက္ကရာဇ် ၄၈၆ ခုနှစ်၊ တော်သလင်း၊ သီတင်းကျွတ်လတွင် မိဖုရားမောင်းမမိဿံ၊ မှူးကြီးမတ်ရာ သေနာပတိများစွာ စုံညီစွာခြံရံလျက် ဖောင်စင်္ကြာဖြင့် ဧရာဝတီမြစ်ရိုး တစ်လျှောက် ဝဲယာမြို့များကို တိုင်းခန်းလှည့်လည်တော်မူရာ ပခုက္ကူမြို့ဟု နောင်တွင် ခေါ်တွင်မည့် တံငါရွာတစ်ရွာအနီး အရောက်တွင် ဖောင်တော်ဆိုက်၍ ရွှေကူဘုရားကို တည်ထားခဲ့ခြင်းဖြစ်သည်။ ပခုက္ကူမြို့၊ ဈေးဟောင်းရပ်နေ ကျောင်းအမကြီး ဒေါ်ဇီး(ဆီး)ဇံ သက္ကရာဇ် ၁၂၆၉-ခုနှစ်၊ တပေါင်းလဆုတ်(၃)ရက်နေ့မှစ၍ ပခုက္ကူမြို့ ရွှေကူရပ်နေ ပန်းပုဆရာကြီး ဦးကံကြီးနှင့် သားကိုတေတို့အား လက်ခကြေးငွေ ၄၀၀ဝိ/-(လေးထောင်)ကျပ်ဖြင့် ယမနေသား ငါးတုံးပေါ်တွင် ထုလုပ်စေ၍ ရွှေကူအပူဇော်ခံ မတ်ရပ်ဆင်းတုတော် မြတ်စွာဘုရား သီတင်းသုံးရန် လှူဒါန်းခဲ့လေသည်။ တဖန် ၁၃၀၈-ခုနှစ်၊ ဝါခေါင်လဆန်း ၁၃-ရက်နေ့တွင် ဒေါ်ဇီး(ဆီး)ဇံ၏သမီး ကျောင်းအမကြီး ဒေါ်မြစ်က ထပ်မံပြင်ဆင်မွမ်းမံခဲ့လေသည်။ တံကဲတော်မှာ အမြင့် ၁၂-ပေ၊ ၁၀ လက်မရှိ၍ အလျား ၅-ပေ၊ ၁၀-လက်မရှိသည်။ တံကဲတော်၏ ထုမှာ ၈-လက်မ ပန်းရှစ်ထပ်နှင့် သစ်သား ၅-တုံး (ယမနေသား)ပေါ်တွင် ရုပ်လုံးဖော်ထားခြင်းဖြစ်သည်။ လူရုပ်၊ တိရစ္ဆာန်ရုပ်နှင့် အခြားအရုပ်ပေါင်း (၁၈၁)ရုပ် ပါဝင်၍ (၄)နှစ်ကျော် ထုလုပ်ခဲ့ရပါသည်။ တံကဲ၏ ညာဘက်တွင် အလှူရှင်နာမည် (မဆီးဆံ၊ ကိုဟင်းငါး၊ မမယ်သင်) ကောင်းမှုဟု ထုလုပ်ထား၍ ဘယ်ဘက်တွင် (ဆြာဦးကံကြီး၊ သားမောင်တေ) ဟု ထုလုပ်သူကို မှတ်တမ်းတင် ထွင်းထုထားခဲ့ပါသည်။